منتديات حواء الجزائر




مواضيع حواء الجديدة

منتدى الحمل والولادة لكل ما يخص فترة الحمل والولادة

إضافة رد
أدوات الموضوع انواع عرض الموضوع
رقم المشاركة # 1
قديم 14-11-2017, 03:16
الصورة الرمزية أم اسراء
:: حواء متألقة ::
أم اسراء غير متواجد حالياً
افتراضي الحمد لله سلكت بخير

السلام عليكم و رحمة الله
اخواتي الغاليات كل وحدة باسمها ربي يرزكم ما تتمناو و يجعل لكم الخير فيه

بارك الله فيكم جميييعااا لكل وحدة.....
راني سلكت بخير في نفس اليوم لي كتبت فيه الموضوع 12/11/2017 *كيما دعيتيلي يا أم عائشة و حفصة هههه* ،بدات الاوجاع تتقارب درت مغلى التمر شربتو دافئ بخرت بالبصل و صليت ركعتين ، قريت سورة مريم و بقيت نظم في اموري و كل دورة نشرب زيت زيتون و وقت لي تجي وجعة نعمل شهيق زفير زوجي ما قلتلوش غير في آخر لحظة قالي واش خلاص؟؟ هههه قتلو ازرب
بقيت حاكمة قارورة زيت الزيتون كل مرة نشرب شوي و الحمد لله كي دخلت لقاتني تمام يعني نفوت مباشرة للولادة و راكم تعرفو الطاولة هذيك......................
الحمد لله رزقت بمولود سمناه على بركة الله *بلال* أسال الله ان يجعله و اخوته و أبناءكم و أبناء المسلمين من حفظة القرآن يا رب ارزقنا برهم و اجعلهم من عبادك الصالحين.


**حبيت نسأل عن حب خرج لوليدي في ظهرو و و جهو غير كي جيت للدار عندو رؤس بيضاء ما عرفتش السبب قالتلي عجوزتي يمكن من الحار ناس بكري يقولو الام كي تاكل الحار يطلع للصغير ،و أنتم واش قولكم؟؟؟


**و من جهة اخرى الحليب ما زال ما طلعليش و وليدي يحكم صدري و يبقى يمص من غير شيء واش ندير أدعولي ربي يرزقني و ييسرلي رضاعتو و يسهلي أمور النفاس و التربية
صدقوني نفسيتي تعبانة ما عرفتش ....
ربي يرزق كل زوجين ذرية صالحة يا رب و ربي يرزق كل صاحب حاجة حاجته دعمتوني بدعائكم و نصائحكم الله يفرحكم يا رب.


*يا رحيم ارحم والدي و اغفر له انت أرحم الراحمين*

رقم المشاركة # 2
قديم 14-11-2017, 06:40
الصورة الرمزية بحر الادب
بحر الادب
:: حواء الأميرة ::
بحر الادب غير متواجد حالياً
افتراضي رد: الحمد لله سلكت بخير

ألف مبروك الحمد الله على سلامتك حبيبتي يتربى في عزكم ان شاء الله
الحبوب ممكن شيء طبيعي انا بنتي جاها قالولي حبسي زيت زيتون حبستو حتان فاتت السمانة الاولى راح الحب
الحليب بالشوي باه يهبط كولي مليح درك نهار ثالث ولا رابع يهبطلك بحول الله و البيبي أعطيه التيزانة باه ما يبقاش جيعان و كي يجيك الحليب نقصيلو ديريلو رضعة وحدة تيزانة ليلا برك ربي يحفظهولك و يرزق كل محرومة يا رب

رقم المشاركة # 3
قديم 14-11-2017, 06:42
الصورة الرمزية هاجر المدانية
هاجر المدانية
:: حواء الأميرة ::
هاجر المدانية متواجد حالياً
افتراضي رد: الحمد لله سلكت بخير

الحمد الله لي سلكتي تربيه بالصحة الله يجعله ذرية صالحة ان شاء الله وانت بالشفاء عليك استحفظي على روحك والحليب ضرك يجيك كاين حتى اليوم الثاني باه يجيهم

رقم المشاركة # 4
قديم 14-11-2017, 07:21
الصورة الرمزية wafaac29
wafaac29
:: حواء الأميرة ::
wafaac29 غير متواجد حالياً
افتراضي رد: الحمد لله سلكت بخير

مبروك ماجاكم اختي و يتربى في عزكم ان شاء الله والان حان دوري ادعولي ربي يهنيني بسهولة
بالنسبة للحب تاع بيبي ادا كنت تستعمليلو طالك او لانجات ننصحك تتوقفي و استبدليهم بصابون الطرف ممكن يكون طفلك حساس ،انا مانستعملش لانجات ابدا لانها تتسبب في حساسية لاطفالي
اما بالنسبة لادرار الحليب انصحك بشرب ملعقة صغيرة زيت الحلبة على الريق و هدا عن تجربة يولي الحليب يجري معاك ان شاء الله

رقم المشاركة # 5
قديم 14-11-2017, 07:56
الصورة الرمزية وردة بنفسجية
وردة بنفسجية
:: مشرفة ::أقسام المنتدى العام وهنا الجزائر
وردة بنفسجية غير متواجد حالياً
افتراضي رد: الحمد لله سلكت بخير

الف مبروك 👶يتربى في عزكم
الله يسهلك النفاس و الرضاعة و التربية

يوجد الصح و يوجد الخطأ
و الانسان في المنتصف

رقم المشاركة # 6
قديم 14-11-2017, 08:14
الصورة الرمزية لؤلوءة البحر
لؤلوءة البحر
:: نجمة حواء الجزائر ::
لؤلوءة البحر متواجد حالياً
افتراضي رد: الحمد لله سلكت بخير

الف الف الف مبروك يتربي في عزكم
الحب معليه والو من بعد يروح
اما الحليب حنا عدنا نفطرو بيبي ملي يزيد بالكحل وكاين لي يطيح فيها الحليب على 3 ايام خاصك تاكلي متل فطير وفطري بالجلبة



رقم المشاركة # 7
قديم 14-11-2017, 08:27
الصورة الرمزية د.مريم
د.مريم
:: حواء الملكة ::
د.مريم متواجد حالياً
افتراضي رد: الحمد لله سلكت بخير

الف مبرك ام اسراء ربي يجعلوا من مواليد السعادة ويكبروا في طاعتو
تفكرتيني ولا لالا ؟؟؟ ههههه المهم تفكرتي خطواتي العملية راكي تلميذة نجيبة😊
الحب صح انا في وليدي كليت الحار بزاف وقالولي يخرج فيه الحب وفعلا خرج فيه الحب بصح شوية ويروح
وللحليب كولي الفطير بالزعتر ومرق الدجاج واشربي الحلبة
كاين حبوب phylait ممتاااااازة لادرار الحليب ثلاث حبات يوميا وخلي وليدك يمص حتى لو مافيكش هداك المص يجيب لحليب

ولست بهياب لمن لا يهابني **** ولست ارى للمرء ما لا يرى ليا
رقم المشاركة # 8
قديم 14-11-2017, 08:27
الصورة الرمزية عابرة ألم
عابرة ألم
:: حواء السلطانة ::
عابرة ألم متواجد حالياً
افتراضي رد: الحمد لله سلكت بخير

ها شفتي ههه
الحمدلله على سلاكك ربي يجعلو ذرية صالحة
الحب هداك والله معندي فكرة بصح ممكن راكي تلبسيلو بزاف وعرق ..
والخليب كولي الطمينة وحلوة الترك تجيب الحليب وكولي حاجة السميد مثقبة كسكس ..ومتتقلقيش
احنا منمدوش التيزانة حتى بعد شهرين نمدو الما وهو راه صغير مصة ولا زوج يشبع وامبعد يعاوظ يجوع بالخف بصخ كي راه يستخرج معناه راه ياكل ...
بلال اسم شباب ربي يحفظو
بصح مجبتيش طمينة هههه
هاوليك نفاسك وكادو البؤبؤ
🎁🎁🍚🍚🐓🐓ههه

ربي يا مالك كل شيء... اسق صغاري من كأس الصحة شربة وغرفة هنية...
ربي ضآقت بي... ومآ عاد في الرّوح مُتسع...فارحم حآجتي...
رقم المشاركة # 9
قديم 14-11-2017, 08:29
الصورة الرمزية عابرة ألم
عابرة ألم
:: حواء السلطانة ::
عابرة ألم متواجد حالياً
افتراضي رد: الحمد لله سلكت بخير

العاقبة لللي مزالو ...
تكاثروا تناسلوا فاني مباه بكم الامم يوم القيامة
الله يجعلهم من نصرة وخيرة امة محمد اجمعين

ربي يا مالك كل شيء... اسق صغاري من كأس الصحة شربة وغرفة هنية...
ربي ضآقت بي... ومآ عاد في الرّوح مُتسع...فارحم حآجتي...
رقم المشاركة # 10
قديم 14-11-2017, 08:42
الصورة الرمزية ام عائشة وحفصة
ام عائشة وحفصة
:: حواء الأميرة ::
ام عائشة وحفصة غير متواجد حالياً
افتراضي رد: الحمد لله سلكت بخير

ماشاء الله الحمد لله کما سلکتي علی خير
مبروک الولد ربي يحفظو وينبتو النبات الحسن ان شاء الله
بالنسبة للحب نظن عادي وقت ويروح والحليب عادي اعطيه يمص اللباء
وکولي مليح سوغتو الطمينة. واصبري حتی يهبط
بالشفا عليک والعاقبة لکل الحوامل يسلکو علی خير

[SIGPIC[/SIGPIC]
إضافة رد

مواقع النشر (المفضلة)


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتبة الموضوع المنتدى مشاركات آخر مشاركة
الحمد لله امي بخير ام محمد فهد ملتقى الترحيب والتهاني 18 01-11-2017 23:56
الحمد لله اختي وضعت لينا بخير ام عبد الرحمن ويوسف ملتقى الترحيب والتهاني 19 05-07-2015 00:00
راني فرحانة اختي سلكت و الحمد لله ام آية ملتقى الترحيب والتهاني 44 10-07-2014 01:46
الحمد لله سلكت مليكة71 المنتدى العام 37 08-02-2014 18:57

المشاركات المطروحة في منتديات حواء الجزائر تمثل رأي كاتبته فقط ولا تمثل رأي إدارة المنتدى.

الساعة معتمدة بتوقيت جرينتش +1 . الساعة الآن : 10:26.

DMCA.com Protection Status
Designed & Developed by 4algeria.com
جميع الحقوق محفوظة © 2008 - 2018, منتديات حواء الجزائر