منتديات حواء الجزائر




المواضيع الجديدة

منتدى الأم والطفل يختص بكل ما يفيد الطفل و بتوعية الأم وتثقيفها ( صحيا و تعليميا وثقافيا ودينيا ) من اجل إنشاء جيل مسلم فعال

إضافة رد
أدوات الموضوع انواع عرض الموضوع
رقم المشاركة # 51
قديم 12-01-2018, 17:40
الصورة الرمزية ام محمد فهد
ام محمد فهد
:: مشرفة:: منتدى الصحة والرشاقة
ام محمد فهد غير متواجد حالياً
افتراضي رد: كلام براعم (دردشة أمهات)

هجور نسيت نذكر الاعمار
16سنه ..12سنة..8سنين..5سنين..و محمد عمره 3 سنوات
موضوع شباب هجور و فتوح بديتو بيه الدردشه
راكم تحكيو عالعناد انا بنتي لعمرها 8 سنوات هبلت الدار كاامل بعنادها و قباحتها تحب تعمل وش يقلها راسها انا نفوتلها و نكبر
بالي معها لكن خواتاتها لكتر منها لالا يحاسبوها على كل صغيره و كبيره
و ولاو على مكانش ينقابضو و انا المحامي بينهم هبلوني

رقم المشاركة # 52
قديم 12-01-2018, 18:28
الصورة الرمزية الإفتراضية
Imma
:: حواء مجتهدة ::
Imma متواجد حالياً
افتراضي رد: كلام براعم (دردشة أمهات)

مشكورة حبيبتي عابر ومشكورة على نصيحة الالعاب والله مكنت متولهتلها مشكورة حبيبتي فتوح زوجي عصبيييي وسعات نخسو يحط عنادو معاه والله كاينين مواقف تافهة مش تع ضرب وضربو واللع خايفة على الطفل من هاد التربية

رقم المشاركة # 53
قديم 12-01-2018, 18:31
الصورة الرمزية الإفتراضية
fettouh
:: حواء متميزة ::
fettouh غير متواجد حالياً
افتراضي رد: كلام براعم (دردشة أمهات)

انا نضن المشكل راه في الي اكبر منها وليس هي بالذات مهما كان يقدروا يتحايلو عليها ويتغاضاو عن مشاكساتها راهي اصغر منهم لكن كل وحدة لا تقبل التنازل
انتي حاولي مع الاكبر فيهم وعيها اكثر وعلميها تعفو وتتخطى الامور اذا فاقت الكبيرة راح تعاونك بزاف وتولو محامي وقاضي في الدار
اختي ام محمد فهد

رقم المشاركة # 54
قديم 12-01-2018, 18:48
الصورة الرمزية عابرة ألم
عابرة ألم
مراقبة عامة
عابرة ألم غير متواجد حالياً
افتراضي رد: كلام براعم (دردشة أمهات)


انا العكس لست عنيدة ولا حتى زوجي
هناك فرق بين العناد والاصرار وهذا ما نقوم به نحوهم والاطفال لا يفرقون عادة الاولياء يختارون الافضل للابناء لكن الصغار يعتبرون ذلك فرضا للذات ومحو شخصيتهم وكما هي تصرفات تبدا منذ النعومة في الاول نعتبرها اثبات النفس ولكن ان لم تكن بتوجييه راح تعود بالسلبي وعلى مدى بعيد
وطبعا كل سن وطريقتو هذيك حكاية التكلاخ قبل اربع سنوات واذا فادت راح تتهناي من العناد فاصلا يكون تغير طبعو بتلك الحيل معاه لان سنه صغير
نجييو للكبار هؤلاء لازمهم صرامة اكثر وقساوة (ماشي دبزة ودماغ )
والحنانة يا عيني عالحنانة انا نحس بلي الاطفال يولو عندهم مشاعر مرهفة بعد الخمس او الست سنين تجيه بلين واللطف كل مرة كل مرة وهكذا حتى تولي انتي بنتو تولي تغيضيه كي تزعفي كي ما ياخذ الراي يلوم نفسو واخر شيء حرمانه من شئ يحبه او المساومة النزيهة ههه
كان زوجي يشري العاب اوحلوى ويعلقهم في السقف لمن الجائزة او عقابا على شئء ما واحد ما تصحلو حتى الرضوخ هذه طريقته وانا ابتسم واحفزهم سوف تقومون باللازم وحتى دون شيء
ماشي ضربة وحدة الحديد يلين ولا الطفل كذلك
هو جهاد كما تفضلتي وقلت
صح فتوح هديك هي
ملاحظة برك
هدبك اللب احنا نعرفو صلاحهم مش في كل حاجة راح تخلي الطفل ميفكرش لازم ماما تفكر ويرجع يستشيرك في كل حاجة اما لخوف منك او لانه لا يفكر بكل بساطة
لذا مرات لازم نخلوهم يختارو وحتى لو غلط مع التنبيه واذا اصر لا عليه خليه يتحمل نتائج اختيارو وهدا الاسلوب نعتمدوه فب الاشياء البسيطة اللتي لا تضره كثيرا ولا تضرنا مثلا اختيار ذوق في حلويات او ادوات مدرسية .. وهكا
اما المصلحة فلازم تبينيها وتقنعيه في الاخير متفرضيش عليه ادا قدرت طبعا كاين اطفال صح راسهم خشين وكاين اللي تالمو عاندوه والديه رجع هو يعاند زكارة في الوالدين كاين منها هدي
الكبار امرهم صعيب لازم تصاحبيهم انا معنديش تجربة ممكن نحكي بواش عاملونس والديا ...

ربي يا مالك كل شيء... اسق صغاري من كأس الصحة شربة وغرفة هنية...
ربي ضآقت بي... ومآ عاد في الرّوح مُتسع...فارحم حآجتي...
رقم المشاركة # 55
قديم 12-01-2018, 20:20
الصورة الرمزية أم عبد الباريء
أم عبد الباريء
:: حواء الأميرة ::
أم عبد الباريء غير متواجد حالياً
افتراضي رد: كلام براعم (دردشة أمهات)

كيف تعرفين ان طفلك عنيد
الكي عزيزتي هذه الاسئلة لمعرفة ما اذا كان طفلك عنيد ام لا
1- هل طفلك يتعمد دائما مضايقة الاخرين بافعاله؟
2-هل يقوم الطفل بالقاء اللوم على اشقائه؟
3- هل طفلك متقلب المزاج؟
4-هل تنفد الاوامر التي تطلب منه؟
هل يجادل الطفل الاخرين بشدة وعنف؟
انا بالنسبة للعناد يعاني منه ابني ذو الخمس سنوات واللي خلانا نعانيو معاه و هاد الشي زاد مع الغيرة كل ما خوه يكبر وهو يزبد انا نصبر شوية بصح الزوج معندهش الصبر
عن نفسي لبس هادي لبس ولا قعد
كول هادي هو عنيد يعقد بالجوع وما ياكلش للاسف
عناده في اللبس والماكل و لا مبن يشوف
و بالنسبة للاسئلة قاع فيه



رقم المشاركة # 56
قديم 12-01-2018, 21:02
الصورة الرمزية د.مريم
د.مريم
:: مراقبة عامة ::
طبيبة المنتدى
د.مريم متواجد حالياً
افتراضي رد: كلام براعم (دردشة أمهات)

شهيتوووني نكون معاكم في كل رد ... نحاول نكون
مشكلة العناد تدل على شخصية قوية للطفل الا اذا تجاوزت الحد واصبح مؤذيا هنا يجب الحذر
بالنسبة لي ولادي بداو العناد مبكرا وانا, بديت العلاج مبكرا ايضا
وكنت انوع الوساءل
احيانا اهمل عناده ومانهتمش نفرض رايي ونخليه حتى يرضخ
مرات اتركه يمارس العناد حتى يشوف النتيجة السيءة اللي وصل ليها
كي كبرو شوية وليت نفهمهم بهدوء ونخليهم يقرروا مواصلة العناد او الطاعة

حاليا لقيت مثلا انهم يصروا على فعل انا ارفضه نسكت عليهم بعد قليل يتراجعوا عليه كي يحسوا اني ما ضغطتش عليهم
مثلا يقولولي ناكلو الحلوة بعد العشا نقوللهم لالا تسوس اسنانكم يقولولي ناكلو نقوللهم دبروا راسكم
يدو الحلوة ويروحو وبعد لحظات يرجعوا ويجيبوهالي ويقولولي تسوس اسنانا خبيها لغدوة
لكن اللي اظنه ساعدني في تقليل عنادهم شيءان
الاول العدل الكامل في معاملتهم
ثانيا ثقتهم المطلقة في وفي ان ما افعله لمصلحتهم
ايضا التربية بالقصص اللس تبين فواءد طاعة الوالدين وعقوبة العناد خاصة في الخمس سنوات الاولى

نسيت اذكر ان عندي طفلان
ولد اربع سنوات ونصف
بنت ثلاث سنوات ونصف
جنين ذكر في الشهر الثامن هههههه حتى هداك وراني نربي فيه ... يبان عنيد جدااا

عندي واحد المشكلة اطرحها على ام محمد وفتوح كونهما خبيرتان
ولداي كي يلعبوا يتقمصوا شخصيتي وشخصية ابوهم تماما
مثلا الولد يعود يعيط لاختو مريم وهي تعيطلو باسم زوجي .... ويتصرفوا كيما احنا ويهدروا هدرتنا طبعا عدا الجانب الخاص اللي هوما بذكاءهم يعرفوا بلي مالازمش يديروه مثلا ما يرقدوش جنب بعض وما يسلموش على بعض وما ينادوش بعض باسم دلع ... هدا الامر المطمءن
ايضا عند الناس ما يتقمصوش الدور سوى عند اهلي لانهم يلقاو راحتهم كيما دارهم
هل هذا طبيعي؟؟؟ وهل لازم يتوقفوا ولا مع الوقت ينساو
علما انهم دايرين دمى كاولادهم بصح ماشي مسميينهم باسماءهم هوما وانما اسماء انا كنت مختارتها من زمان

رقم المشاركة # 57
قديم 12-01-2018, 21:43
الصورة الرمزية عابرة ألم
عابرة ألم
مراقبة عامة
عابرة ألم غير متواجد حالياً
افتراضي رد: كلام براعم (دردشة أمهات)

هههههه مريم انا وليدي وخوه تان يلعبوها ميمو هو الام يجبد كاسرونة ويطيب وعندهم 11 طفل كل يوم يجيبلي واحد يقولي نزاد عندنا طفل بوعلام سيدعلي هههه بتول قسم السنة الاولى كاااامل ههههه
مرة كان يلعبو وميمو فوق البونك يسوطي لقيت عبدالله يسوغ احبطي من الدالا يا مرا راكي بلا خمار ههههه قتلوني بالضحك
في بالي نوغمال التقليد لانكم القدوة
الولد يشوف والده كل شي في حياته خاصة اذا كان ناجح
انا ولاد لوسي مرات كي يلعبو بويتة والام تكون هاجر والاب باسم عمهم😲 هههههه

دوك نجي نرد على البقية 😍

ربي يا مالك كل شيء... اسق صغاري من كأس الصحة شربة وغرفة هنية...
ربي ضآقت بي... ومآ عاد في الرّوح مُتسع...فارحم حآجتي...
رقم المشاركة # 58
قديم 12-01-2018, 22:09
الصورة الرمزية عابرة ألم
عابرة ألم
مراقبة عامة
عابرة ألم غير متواجد حالياً
افتراضي رد: كلام براعم (دردشة أمهات)

ايما
انت حاولي تفرضي طريقة هادئة في التربية كي يشوف النتيجة تجي منك يرجع زوجم يتبع طريقتك انا تان زوجي كان يضرب واعمام ولادي والله مرات تطلع وذنو زرقة ولا ظهرو بالسبكاتريس تع السبتة كامل يضربو فرضت طريقتي ان الولد عندو عفل ويفهم ويستوعب ربي يعينك ...

ام فهد
بناتك الكبارات علمبهم المسؤولية لازم تحافظو على بعض ومش لازم في كل حاجة انت الحكم خلبهم يتحاكمو في بعض والا يتعاقبو كامل باش مرة اخرى يحسبو حسابهم قبل ما يكسرولك راسك وتان المحاااااادثة التربية بالحواااار عندها مفعول يساهم في مصاحبة الابن ربي يعينك

حورية جيتي ههههه وجبتي ولدك
هدوك الاسئلة كاين شوي برك في ولدي لكنه عنيد
ولدي تان كان يمرر في اللبس دوك نحاها رجعت نكلخاو هدي من فرانسا ههه هدي لبيها كيما تع ميسي هو يحب ميسي وشخصيات كارتونية يتأثر بيهم
تان ممكن راكي تظل تأمري جيبيه بااحنانة والحيلة وبينيلو لي راح تزعفي وتمرضي وميلقاش لي يطيبلو ويلعب معاه وشوفي

ربي يا مالك كل شيء... اسق صغاري من كأس الصحة شربة وغرفة هنية...
ربي ضآقت بي... ومآ عاد في الرّوح مُتسع...فارحم حآجتي...
رقم المشاركة # 59
قديم 12-01-2018, 22:12
الصورة الرمزية عابرة ألم
عابرة ألم
مراقبة عامة
عابرة ألم غير متواجد حالياً
افتراضي رد: كلام براعم (دردشة أمهات)

كانت امي تقولنا
الولد علميه
يخاف من باباه....
ويخاف على يماه ....

واش رايكم ؟؟؟ كاين منها؟

ربي يا مالك كل شيء... اسق صغاري من كأس الصحة شربة وغرفة هنية...
ربي ضآقت بي... ومآ عاد في الرّوح مُتسع...فارحم حآجتي...
رقم المشاركة # 60
قديم 12-01-2018, 22:26
الصورة الرمزية الإفتراضية
fettouh
:: حواء متميزة ::
fettouh غير متواجد حالياً
افتراضي رد: كلام براعم (دردشة أمهات)

عادة تقمص الاطفال لادوار اثناء اللعب راجع لتاثره بالوسط
دكتورة اذا كانو اولادك ملازمينك كثيرا وما يعرفوش اناس اخرين يعني من وين لوين يشوفو عائلات اخرى اونمط اخر للمعيشة كاين الي يتعلم من التلفاز كاين من الشارع وعلى حسب ذلك راح يلعبوا
راح يبدلو لا تكترثي بعد شهور يدوروها تلميذ ومعلم وبعدو طبيب ومريض ووو بداو بيكم
ياربي برك كي تولدي بالسلامة يولو كامل نوافس يستناو السنيوة في الفراش حقهم التيزانة والكبدة والطمينة
وهذا واش صرالي كي نفست بابنتي الاخيرة يفرشوا الاخريات يجيبو الدمى واذا قماطة عندهم واللانجات وكملوها ماما وين راهي السنيوة

إضافة رد

مواقع النشر (المفضلة)


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتبة الموضوع المنتدى مشاركات آخر مشاركة
من هن أمهات المؤمنين؟؟؟ أم عبد الرحيم قسم نصرة الرسول صلى الله عليه وسلم 7 27-02-2016 07:01
محتاجة مساعدتكم يا أمهات أم عبد الرحمن ومعاذ ركن صحة الأطفال 9 08-02-2016 22:41
آخر من مات من أمهات المؤمنين المؤمنة بقضاء الله قسم نصرة الرسول صلى الله عليه وسلم 4 04-11-2015 11:32
كيفاش نحوس على قناة براعم للاطفال galaxy منتدى الاستفسارات المتنوعة 5 09-12-2013 08:32
حكم سب أمهات المؤمنين dzhawaa منتدى مجالس إيمانية 0 08-12-2010 20:00

المشاركات المطروحة في منتديات حواء الجزائر تمثل رأي كاتبته فقط ولا تمثل رأي إدارة المنتدى.

الساعة معتمدة بتوقيت جرينتش +1 . الساعة الآن : 10:15.

DMCA.com Protection Status
Designed & Developed by 4algeria.com
جميع الحقوق محفوظة © 2008 - 2017, منتديات حواء الجزائر