منتديات حواء الجزائر




 
المواضيع الجديدة
 
المواضيع المميزة

الــــكـــوكا من مطبخي


إضافة رد
LinkBack أدوات الموضوع انواع عرض الموضوع
رقم المشاركة # 1
قديم 11-03-2012, 10:17
الصورة الرمزية الإفتراضية
مشرفة سابقة
اسم مؤقت غير متواجد حالياً
Zyxr 2121 الــــكـــوكا من مطبخي

السلام عليكم و رحمة الله

الكوكا ...


ومن منكم لم يذهب الى محلات البيزا ولم تقع عيناه على الكوكا الشهية

اليوم حظرت لكم طريقة تحظيرها حتى تعملوها وحدكم بالبيت لأنها أسهل مما تتوقعون
وهي تحظر بالعجينة المورقة La pâte feuilletée
أكيد معظمكن تعرفن طريقة تحظير العجينة المورقة لكن لاباس بطرح الطريقة التي صنعتها بها لانها اول تجربة لي بصراحة وحتى الكوكا كنت نتشهاها وجا اليوم لي درتها
طريقة تحضير العجينة المورقة تبدو لكم صعبة لكن عندما تتوكلون على الله وتطبقوها فصدقوني فيها متعة أثناء تحظيرها والجميل فيها انكم تستطيعون الإحتفاظ بها في الثلاجة وتصنعوا بها ماتشاؤون ووقت ماتشاؤون وخصوصا اذا جاوك ضياف على غفلة أو حتى بلا ضياف


المهم أبدأ بطريقة تحضير العجينة المورقة وبعدها الكوكا

و أعتذر على الشكل كنت جد مسرعة وخدمت كلشي بالتقلاق

مقادير العجينة المورقة
La pâte feuilletée
كيلو فرينة + 8 قرصات ملح + 3 ملاعق أكل زيت + ماء
نخلط كل المقادير بالماء الدافئ ندلكها قليلا وكي ترجع عجينة طرية نضعها في كيس بلاستيكي وندخلها الى الثلاجة ترتاح حوالي ربع ساعة أو أكثر اذا كنت مشغولة المهم قد ماارتاحت مليح .


تحضري زبدة التوريق أي نوعية متوفرة أنا استعملت
لابل (( المهم توجد الزبدة خصيصا للتوريق وتجدون مكتوب فيها مارغارين للتوريق))Margarines de feuilletage ليس زبدة الحلوى أو مارغارين
تقطعيها أطراف رقيقة كما فالصورة

تطرحي العجينة بعد اخراجها من الثلاجة فوق طاولة مرشوشة بالفرينة

وتضعي فوقها قطع الزبدة

و تغلقي من الجانبين

ثم تغلقيها فالوسط
وتكسليها بالرولوا وتخليها ترتاح واحد 20 دقيقة فالثلاجة و اذا كان الجو بارد كيما هاذ الأيام اتركيها ترتاح فوق طاولة العمل


كي ترتاح تعاودي تطبقيها ثلاث مرات مثل المرة الاولى وتكسلي بالرولوا مرة ثانية

وتكرري للمرة الثالثة و الاخيرة بعد ما ترتاح نفس الطريقة

وأصبحت جاهزة للإستعمال

وهذا شكلها الأخير



طريقة تحضير الكوكا


للحشو


كمية من اللحم المرحي لن أحدد الكمية لانها حسب المقدور وأيضا حسب الصينية لي تخدموا فيها

بصلة محكوكة وطماطم محكوكة وقليل من طماطم العلبة
قليل من الملح
قليل من الفلفل الاسود و الكمون و جبن مقطع و زيتون مقطع

نقطع من العجينة كمية ونبسطها بالرولو بحجم الصينية


(( لم أدهن الصينية بل وضعت الورق المشمع وهو يباع وبه لانحتاج لدهن الصينية بالزيت أو رشها بالفرينة ))
ثم نضع عليه العجينة ونثقبها بالشوكة

في نفس الوقت نكون قليت اللحم المرحي مع الطماطم و التوابل والبصل حتى ينشفو من الماء تاع الطماطم و البصل
وكي يبرد شويا نبسطوهم فوق العجينة

ونضع الجين المقطع

ثم الطبقة الثانية من العجينة

نشبحوها بالسكين


وندهنها بصفار بيضة
ثم نقطعها تقطيعا خفيفا[ التقطيع كان سريع و أعوج ] الوقت زاحمني

ونضع الزيتون المقطع وسط كل مربع وندخلها للفرن


وكي طيب نص طياب نخرجوها ونقطع مكان ماحددنا

ونرجعها لتتحمر

وهاهو الشكل النهائي

وشهية طيبة

ريتاج 03 معجب بهذا.
رقم المشاركة # 2
قديم 11-03-2012, 10:26
الصورة الرمزية ام سرين
:: حواء السلطانة ::
ام سرين غير متواجد حالياً
افتراضي رد: الــــكـــوكا من مطبخي

اولا توحشتك بزاف والله منورة حبيبتي
وثانيا سؤال بخصوص الزبدة
بعني حسب الكمية تاع الفرينة لاستعملتي شحال لزملها زبدة للتوريق علبة تاع نصف ولا اكثر
وثالثا بصحتكم خرجتلك هايلة وتشهي وكانها مشرية من برا
بصحت عبودييييييييييييييييييييييييي
ورابعا عجباتو خبودي ولا فالك نورمال تاع برا خير وفشلك وهبطلك المورال ههههههه
هدي طريقة زوجي مام كتعجبو حاجة يقلي نورمال كون متعبتيش روحك وشريناها من برا برك هههه

رقم المشاركة # 3
قديم 11-03-2012, 10:26
الصورة الرمزية زهرة القرنفل
مُميَزة آٱلمُنْتدَى
زهرة القرنفل غير متواجد حالياً
افتراضي رد: الــــكـــوكا من مطبخي

شكرا خوخة و بارك الله فيك على الشرح تبان مجمرة و بنينة حنا عندنا نقوللها بيتزا كوفاغت بصحتكم

رقم المشاركة # 4
قديم 11-03-2012, 11:49
الصورة الرمزية الإفتراضية
مشرفة سابقة
اسم مؤقت غير متواجد حالياً
افتراضي رد: الــــكـــوكا من مطبخي


اولا توحشتك بزاف والله منورة حبيبتي
هذا نورك يا رائعة يا متألقة وصدقيني شعور متبادل
وثانيا سؤال بخصوص الزبدة
بعني حسب الكمية تاع الفرينة لاستعملتي شحال لزملها زبدة للتوريق علبة تاع نصف ولا اكثر
ياسلام .. الله أكبر طلعلي الشان ورجعو يسقسوني ونجاوب أحم أحم وخروا من الطريق ههههه والله صدقيني هادي أول تجربة ليا وكانت تبانلي بزاف صعيبة كل يوم نتمنى نخدم العجينة المورقة ونعجز وخصوصا نخاف (( بيني وبينك جربتها حتى قطعولي النت وعقدت العزم عليها و الحمد لله كنت مكوبيا بزاف ليغوسات تاعها وطبقت وحدة منهم وصدقيني جاتني ساهلة بفضل الله فالتطبيق وسبحان الله وكان لي فيها خبرة من قبل
آني واي مع كيلو استعملت زبدة تاع 500 غرام
ناقص واحد الثلاث طروفا ولا 4 لانو مابقاتلهمش لبلاصة فالعجينة فاستغنية عليهم والمارغارين تاع الكاغط ماش تاع القابسة .. وهي خاصة بالتوريق اسمها لابل وبما انها تجربتي الاولى فيها تفاجأت لاني حطيتها فالكوشة عجينة واحدة فخرجت عدة طبقات كأنها ميلفاي فهناك عرفت لماذا سموها العجينة المورقة .. تدخل وحدة وتخرج عدة صفحات سبحان الله

وثالثا بصحتكم خرجتلك هايلة وتشهي وكانها مشرية من برا
بصحت عبودييييييييييييييييييييييييي
ههههه والله تاع البيت أحسن من تاع براااا ودوك تجربي وتتأكدي
هههه توحشت كلمة عبودي الله يفكرك بالشهادة ههههه

ورابعا عجباتو خبودي ولا فالك نورمال تاع برا خير وفشلك وهبطلك المورال ههههههه
خلاص بديتي تخلطي علاش تقوليلو خبودي ؟
حرام عليك شوهتيلو اسمو بحرف الخاء لكن لابأس مادام الخاء هو الحرف الاول من اسمي وهو لاصق فأسم عبودي جاعليه
عندك الزهر ماش حرف آخر لهذا راكي مسامحة هههه
أما عن تهباط المورال مايقدرش يقولي تاع برا خير وينكر جمال الاطباق لانو هو الخاسر ووالله مانزيد نديرهالو مرة اخرى
ايلا تكبر ولعبها يطفرها غير فكرشو وهو مايغامرش لانو من النوع لي على كرشو يخلي عرشو ههههههه


هدي طريقة زوجي مام كتعجبو حاجة يقلي نورمال كون متعبتيش روحك وشريناها من برا برك هههه
هههههه غير يلعبهالك كيما زوج أختي
عمرو مايستعرف لانو كثير من الرجال يقولك لوكان نشكرها تشوف حالها عليا كيما يقولو اخوانا الخليجيين ههههه
تحياتي حبيبتي أم سرين وشكرا للمرة الثانية




شكرا خوخة و بارك الله فيك على الشرح تبان مجمرة و بنينة حنا عندنا نقوللها بيتزا كوفاغت بصحتكم
تبارك الله عليك زهرتنا المتألقة دوما زهرة القرنفل
زدتيني معلومة جديدة بخصوص الاسم وبصراحة هاذ الاسم لايق عليها أحسن بكثير من الكوكا لانو اسم الكوكا مادخلش راسي اتخيل نفسي احظر الكوكا كولا .. لكن من الآن فصاعدا سأقول لها بيتزا كوفاغت
شكرا ليك أختي العزيزة على المرور

رقم المشاركة # 5
قديم 11-03-2012, 11:56
الصورة الرمزية 27nah
:: حواء مجتهدة ::
27nah غير متواجد حالياً
افتراضي رد: الــــكـــوكا من مطبخي

شكرا و بارك الله فيك على الشرح

رقم المشاركة # 6
قديم 11-03-2012, 12:03
الصورة الرمزية ميمي 77
:: حواء متألقة ::
ميمي 77 غير متواجد حالياً
افتراضي رد: الــــكـــوكا من مطبخي

مشكورة اختي خوخة على الوصفة والشرح ..جاتك هااااااااااااايلة بصحتكم والله غير درتيلي الكوراج باش نجرب العجينة المورقة .

رقم المشاركة # 7
قديم 11-03-2012, 12:29
الصورة الرمزية ام سرين
:: حواء السلطانة ::
ام سرين غير متواجد حالياً
افتراضي رد: الــــكـــوكا من مطبخي

رجعت لموضوعك حنونة باش نتاكد من كمية الزبدة
شكرا على المعلومة
وحرف الخاء في اسم عبودي وزالله طلع بدون قصد
كنت راح ندير تعديل بصح كعجبك وخاصة انو اول حرف من اسمئك معليش نحليه

رقم المشاركة # 8
قديم 11-03-2012, 12:52
الصورة الرمزية hananour
:: المديرة العامة ::
hananour غير متواجد حالياً
افتراضي رد: الــــكـــوكا من مطبخي

اييييييييييييييييييه وانا نقول وعلاه من الصباح الجوع راكبني اتاري لالا خوخيتا راهي دخلت الكوزينة ودارتلنا من كل نوع طبق الله يبارك الله يبارك على الشطارة وكا نتاعك تشهي تشهي يا خوخيتا واسهل بكتير من الي تعمليها حبة حبة يعطيك الصحة

وربي العزيز راح نهبل باه نبعت الرد والنت قالت وااااااالو غير الكوكا الي مانفوتهاش ولكن مع من طاحت

اللهم اني استغفرك واتوب اليك
يارب فرجك يارب
رقم المشاركة # 9
قديم 11-03-2012, 14:04
الصورة الرمزية أم ماريا الحلوة
:: حواء الأميرة ::
أم ماريا الحلوة غير متواجد حالياً
افتراضي رد: الــــكـــوكا من مطبخي

الله يعطيك الصحة
أنا ما نديرش هاذ النوع غير على خاطر العجينة المورقة نخاف منها تقولي غادي تاكلني هههه
لكن و الله شجعتيني باش نجربها
على ربي تخرج كيما تاعك
ألف تحية خوخة

رقم المشاركة # 10
قديم 11-03-2012, 14:26
الصورة الرمزية الإفتراضية
:: حواء مجتهدة ::
حياة العباسية غير متواجد حالياً
افتراضي رد: الــــكـــوكا من مطبخي

[read]شكرا عندي عامين و نا نحوس نجربها رب ينورك [/read]

إضافة رد

الكلمات الدلالية (Tags)
من, مطبخي, الــــكـــوكا

الــــكـــوكا من مطبخي


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة
المراجع : معطلة
المصادر : متاحة



الساعة معتمدة بتوقيت جرينتش +1 . الساعة الآن : 02:34.

Powered by vBulletin® Version 3.8.7
Copyright ©2000 - 2015, vBulletin Solutions, Inc.
Designed & Developed by 4Algeria.com
جميع الحقوق محفوظة ©2014, شبكة حواء الجزائر