منتديات حواء الجزائر




المواضيع الجديدة

منتدى الحمل والولادة لكل ما يخص فترة الحمل والولادة

لعيون ريما .....مستلزمات الرضيع الجديد

إضافة رد
LinkBack أدوات الموضوع انواع عرض الموضوع
رقم المشاركة # 1
قديم 10-08-2017, 19:53
الصورة الرمزية د.مريم
:: مراقبة عامة ::
طبيبة المنتدى
د.مريم غير متواجد حالياً
افتراضي لعيون ريما .....مستلزمات الرضيع الجديد

السلام عليكم


طبعا كل امرأة حامل وخاصة بأول مولود تنتظر شراء لوازم البيبي الجديد بكل شوق
وكثير من السيدات يجهلن ماعليهن شراءه خاصة يحترن لكثرة الآراء المتضاربة أحيانا
والجدير بالذكر ان على الحامل ان لا تكثر من شراء الملابس لأن الطفل يكبر بسرعة في الأشهر الأولى كما ان الهدايا ستكون كثيرة وتوفر عليها شراء العديد من الأمور
كما ان مستلزمات الولادة في الشتاء اكثر من مستلزمات الولادة في الصيف

وحاولت في هذا الموضوع جمع أهم ما على الحامل تحضيره قبل الولادة

في القائمة التالية اهم المستلزمات




طبعا تشري اولا الملابس الداخلية حوالي ثلاثة او اربعة وكاين انواع يكون في نهاية اليد قماش كيما القفاز يغطي يد الطفل منها يحميه من البرد ومنها ما يخبش روحو
وهذه الصور تبين لك واش تشري تمام[]









طبعا كاين معطف مهم للشتاء تخرجي بيه البيبي خير من الكوفيرطة وانا شخصيا نستعملو دائما وكاين نوع من الكوفيرطات يتقفلو بأناقة هدوك تاني استعملتهم ...المشكلة مديتهم والا كنت صورتهوملك ماظنيتش نزيد

طبعا حقيبة البيبي جد مهمة وبوشات صغيرة تحطي فيها مشطة وفازلين ومحرار وشامبو وتالك وعطر الاطفال وزيت زيتون ومرهم للاحمرار انا يعجبني oxyplastine يوالم اولادي وتحطي حزام السرة وبيتادين



يبقاو لي كوش نوفوني أو رقم واحد حسب وزن طفلك عند الولادة
البيبرو وننصحك اشري تاع زجاج يكونو الاحسن وكي يكبر اشري اللي مافيهش مواد ضارة معروف عند الصيدلي
ملابس الخروج قرونويار اشري زوج فقط مع البوني تاعهم واشريهم بالرجلين باش ماتشريش حذاء غالي وماعندو حتى لزوم
الكوفيرتات وحدة تكفي والكوات ماشي لازم لان الكوفيرطة تتحكمي فيها الكوات تزلق وتخافي تخنقو
الدراوات زوج بدلي بيناتهم
التقاشر اشري تاع قطن باش تزيديهملو في الشتاءوالبونيات ثلاثة فيهم بركة للبيت وواحد شباب للخرجة
وكاين حاجة جدا مهمة وتساعدك في الشتاء وهي القماطة يعني طرف قماش جميل والافضل بوبلين أبيض مربع
وبوندا تتباع عند بائع مستلزمات الأطفال وكذلك مقص اظافر تحتاجيه



وأيضا تفريشة بالجلد اللي تبدليلو فيها وعادة هي وحافظ حرارة البيبرو يجو مع الحقيبة
اشري بدل السورتيدبان زوج سرابت كبار لأن الطفل حديث الولادة مايحتاجش سورتيدبان خاطر ماتدخليلوش يديه وتقعدي تعذبي فيه مع الشتاء وانت أم جديدة تكسريلو عظامو تاني هههههه



أنا نستعمل هدو لاولادي تقدري تشريه ولا تخيطيه ساهل ماهل

وزيدي باسينة وقفاز تحميم
القفاز تستعمليه كل يوم مرتبن كي ينوض وكي يكون رايح يرقد هدا وحدو للوجه فقط
من فضلك ما تديريش كيما امهات آخر زمن ينظفوا أولادهم بلانجات....
كوني أم حقيقية واللانجات للوجه فقط والاطراف بعد ست اشهر لتعطيرها
نظفي ابنك بالصابون المناسب وقفاز خاص ديريه للتنظيف وماء دافئ كلما غيرتي حفاظته استعمليه ...هكا الطفل يتعلم النظافة ويرتاح وانت تتهناي من الاحمرار وحساسية الجلد وعجوزتك تستعرف بيك





يخلعوني اللي ينظفو اطفالهم بلانجات ...خمس دقائق تكفيك
طبعا تقدري تشري باسينة عادية بحجم مناسب ولا بينوار للطفل انا اول الأشهر باسينة كي يشد روحو نديرلو بينوار

يقعدلك السرابت صغار للوجه بعد الرضاعة والسوسات اللي ولادي عمرهم ماتقبلوها وكمون وزريعة البسباس للغازات ههههه ودوليبران 100 باش ماتحصليش في الليل

هدا اللي راني متفكرتهم والبنات يزيدو يدعمو بالصور

وماتنسايش روحك أنت للشتاء بيجامة بالقفالي اشري زوج وجبة ايضا بالقفالي مع بينوار دافي وفيزوات وتقاشر وبنتوفات وحفاظات للكبار ولا فوط صحية كبيرة انت واش تحبي
وحزام لبعد الولادة وسوتيان خاص بالمرضعات والزعتر وحب الرشاد ههههه


وأهم من هذا كله الدعااااااء بحسن الخلق وهون الطلق وربي يطلعك على خير ويرزقك بر صغيرك



الصور المصغرة للصور المرفقة
aviary_1502387769338.jpg   aviary_1502387917770.jpg   aviary_1502387859136.jpg   aviary_1502387890771.jpg   aviary_1502387827733.jpg  

images-4-.jpg   images-5-.jpg  
الصور المرفقة
 
رقم المشاركة # 2
قديم 10-08-2017, 20:14
الصورة الرمزية ام محمد فاروق
:: حواء مبدعة ::
ام محمد فاروق غير متواجد حالياً
افتراضي رد: لعيون ريما .....مستلزمات الرضيع الجديد

شكرا. غلى. موضوغ. وانا. تاني. ضد. استعمال. لانجات. نحب. الغسل. احسن

رقم المشاركة # 3
قديم 10-08-2017, 20:36
الصورة الرمزية عصفورة أمل
:: من طاقم التصميم::
عصفورة أمل غير متواجد حالياً
افتراضي رد: لعيون ريما .....مستلزمات الرضيع الجديد

موضوع مفيد يعطيك الصحة

رقم المشاركة # 4
قديم 10-08-2017, 21:05
الصورة الرمزية الإفتراضية
:: حواء محترفة ::
ملكة روح زوجي متواجد حالياً
افتراضي رد: لعيون ريما .....مستلزمات الرضيع الجديد

احلى تقييم لاحلى مريومة،شكرا شكرا كثيرا على الموضوع،اناتاني نخب نغسل ومنحبش اللانجات،وان شاء الله حابة نرضع صدري،منديرش قرعة،الله يرزق كل محرومة بالذرية الصالحة،يا مريومة يابنت الغالي الله يعطيك على حساب قلبك،والله يشدلك في وليداتك وراجلك،ويارب يحققلك ماراكي باغية😘😘😘

رقم المشاركة # 5
قديم 10-08-2017, 21:42
الصورة الرمزية الإفتراضية
:: مشرفة :قسم القفص الذهبي::
ام هبة الله. غير متواجد حالياً
افتراضي رد: لعيون ريما .....مستلزمات الرضيع الجديد

موضوع كامل متكامل يعطيك الصحة مريم
ريما ومريم ربي يعطيكم وقفة ساهلة يارب وتفرحونا معاكم
وربي يرزق كل محرومة الذرية الصالحة يارب










شكر خاص لاختي الشاعرة الفرنسية
رقم المشاركة # 6
قديم 10-08-2017, 23:00
الصورة الرمزية الإفتراضية
:: حواء مجتهدة ::
ام سلمان الجزائرية غير متواجد حالياً
افتراضي رد: لعيون ريما .....مستلزمات الرضيع الجديد

موضوع جميل وكامل يعطيك الصحه تقريبا نفس مشترياتي والأهم ماتكثروش كيما قالت الاخت البيبي يكبر بلخف

رقم المشاركة # 7
قديم 11-08-2017, 21:44
الصورة الرمزية شوشو الورقلية
:: حواء متميزة ::
شوشو الورقلية غير متواجد حالياً
افتراضي رد: لعيون ريما .....مستلزمات الرضيع الجديد

يعطيك الصحة موضوع رائع
والله يرزق كل محرومة بالذريةالصالحة يارب

رقم المشاركة # 8
قديم 11-08-2017, 21:46
الصورة الرمزية ام ماريا ومروة
:: حواء الأميرة ::
ام ماريا ومروة غير متواجد حالياً
افتراضي رد: لعيون ريما .....مستلزمات الرضيع الجديد

موضوع جميل ونصائح قيمة يعطيك الصحة د.مريم
نسقسيك حنونة انت تستعملي بيتادين في السرة ولا الدواء الاحمر من فضلك قوليلي شكون الافضل واذا استعملت بيتادين كاين لي خاص بالرضع يعني مخفف التركيز؟
انتظر جوابك عزيزتي

رقم المشاركة # 9
قديم 11-08-2017, 22:09
الصورة الرمزية د.مريم
:: مراقبة عامة ::
طبيبة المنتدى
د.مريم غير متواجد حالياً
افتراضي رد: لعيون ريما .....مستلزمات الرضيع الجديد

أفضل استعمال البيتادين تقريبا الدواء الأحمر تم الاستغناء عنه طبيا
درجة التركيز لاتختلف للرضع لأنه مطهر خارجي ولن يخترق جسم الطفل

أم هبة انت تاني شدي حيلك وانظمي للقافلة هههه

رقم المشاركة # 10
قديم 12-08-2017, 11:53
الصورة الرمزية الإفتراضية
:: حواء مجتهدة ::
نيران قلبي متواجد حالياً
افتراضي رد: لعيون ريما .....مستلزمات الرضيع الجديد

الله يبارك موضوع متكامل رانا كامل نستفادوا

إضافة رد

مواقع النشر (المفضلة)

لعيون ريما .....مستلزمات الرضيع الجديد


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة
المراجع : معطلة
المصادر : متاحة


المواضيع المتشابهه
الموضوع كاتبة الموضوع المنتدى مشاركات آخر مشاركة
بالصور.. مستلزمات المولود الجديد لكل أم توجة منتدى الحمل والولادة 8 18-05-2012 21:09
مستلزمات الطفل الجديد dzhawaa منتدى الأم والطفل 3 06-02-2010 22:05

المشاركات المطروحة في منتديات حواء الجزائر تمثل رأي كاتبته فقط ولا تمثل رأي إدارة المنتدى.

الساعة معتمدة بتوقيت جرينتش +1 . الساعة الآن : 12:02.

DMCA.com Protection Status
Designed & Developed by 4algeria.com
جميع الحقوق محفوظة © 2008 - 2017, منتديات حواء الجزائر