منتديات حواء الجزائر




المواضيع الجديدة

منتدى تاريخ الجزائر الحبيبة تعرفي على تاريخ الجزائر كل المراحل والأحداث التي مرت ولا زالت تمر بها

بماذا تشتهر ولايتك

إضافة رد
شجرة الإعجابات67معجبون
  • 11 أضيفت بواسطة Samar22
  • 9 أضيفت بواسطة لؤلوءة البحر
  • 8 أضيفت بواسطة Samar22
  • 9 أضيفت بواسطة لؤلوءة البحر
  • 8 أضيفت بواسطة عسل الشهد
  • 10 أضيفت بواسطة د.مريم
  • 7 أضيفت بواسطة غ وهيبة
  • 5 أضيفت بواسطة ام اسعد
LinkBack أدوات الموضوع انواع عرض الموضوع
رقم المشاركة # 1
قديم 15-07-2017, 21:12
الصورة الرمزية Samar22
:: حواء السلطانة ::
Samar22 غير متواجد حالياً
افتراضي بماذا تشتهر ولايتك

السلام عليكم حبيباتي حوائيات المنتدى

اليوم جبتلكم موضوع هايل يخلونا نتعرفو على ولايات الجزائر الحبيبة وكل خطرة واش نعرفو فيها
اليوم حبيت تقولونا واش هي الحاجة اللي مشهورة بيها ولايتك
انا راح نبدى

مع اني من بلعباس الا انني والفت وهران وليت منها وشفت بلي وهران مشهورة
بزاف بالكارانتيكا ولامونا هههه اكلات مايستغنوش عليها الوهارنة
اما الاماكن المشهورة هي سانتاكروز وهي قلعة جاية فوق الجبل واثرية وشابة بزاف
اما هدرتهم تختالف بزاف على صحاب الشرق وتلقيهم كل خطرة يخرجولك كلام حلو وشباب
و هما خفاف الدم
وحتى واحد مادايها في واحد يعني ماشي يعسوك ولا يعني كل واحد كي يمشي في طريقو يكون هاني
ومشهورة بزاف بسوق مدينة الجديدة
تلقي واش تحبي سورتو العريسات معضمهم يجو لهاذ السوق لنو متوفر فيه واش حبيتي
و فيه جامع ماشاء الله بناوه عاذ جديد بالاك شفتوه في التلفزة تبارك الرحمان هااااااااااااايل و كبير ويشبه نتاع الترك فيه باحة كبير بزاف
و فيها حديقة نتاع العقيد لطفي شابة وطل على البحر هايلة غير نتاع ليفامي و كاين تاني المانيج للاطفال شباب وكبير
و فيها شواطئ كثيرة وشابة بزاف
راني عرفتكم شوية على وهران
ورينا من وين انتي وقولينا بواش مشهورة ولايتك باه كي نجي عندكم نعرف كيفاش نحوس هههه

رقم المشاركة # 2
قديم 15-07-2017, 21:18
الصورة الرمزية لؤلوءة البحر
:: نجمة حواء الجزائر ::
لؤلوءة البحر غير متواجد حالياً
افتراضي رد: بماذا تشتهر ولايتك

شوفي انا تاني كانحماق على وهران كاتعجبني بزاف ودايما راني فيها وكل لي دكرتي شفتو وحتى جامع قريب وين يقرى ولدي هايلة هايلة يعطيك الصحة



رقم المشاركة # 3
قديم 15-07-2017, 21:24
الصورة الرمزية Samar22
:: حواء السلطانة ::
Samar22 غير متواجد حالياً
افتراضي رد: بماذا تشتهر ولايتك

مرحبا بيك يا لحبيبة في وهران ايه هي شابة بزاف وشوية كبيرة زعمة اللي يبغي يحوس لازم عليه يقعد فيها ولازم يكون عنده لوطو و بصحتك التحويسة

رقم المشاركة # 4
قديم 15-07-2017, 21:25
الصورة الرمزية لؤلوءة البحر
:: نجمة حواء الجزائر ::
لؤلوءة البحر غير متواجد حالياً
افتراضي رد: بماذا تشتهر ولايتك

تيارت ولاية جزائرية، كانت تسمى في القديم باللغة البربرية تيهرت اي اللبؤة وكان لها عدة تسميات تاهرت ,تأقدمت، تاغزوت ,تنقارتيا... تقع تيارت في الشمال الغربي تسمى بعاصمة الهضاب للغرب. كما ينعتها المولعون بالخيل ب جنة الحصان الأصيل التي تترامى أطرافها بحظيرة "شاوشاوة" العملاقة الواقعة ب "عاصمة الرستميين" قديما، ولاية تيارت حاليا، التي تبعد عن الجزائر العاصمة حوالي
290 كلم إلى الشمال الغربي، حيث المغارة التي كتب فيها "عبد الرحمن بن خلدون" رائد علم الاجتماع الحديث جزءا من رائعته في فلسفة التاريخ "المقدمة" بقرية بني سلامة العتيقة. كما توجد بها آثار عديدة بينها منطقة الأجدار التي تشبه لحد ما أهرامات مصر القديمة، غير أنها إلى الآن لا تحظى بالأهمية التي تستحقها، ولا العناية التي من شأنها ن تجعلها قبلة للسواح من كل مكان، كما يتمسك أهل تيارت بالتقاليد المتاصلة فيهم، من حيث اللباس (القشابية، العمامة والسروال العربي) خاصة عند المسنين منهم .ومن اشهر اطباقها كسكس









رقم المشاركة # 5
قديم 15-07-2017, 21:38
الصورة الرمزية عسل الشهد
:: حواء مجتهدة ::
عسل الشهد غير متواجد حالياً
افتراضي رد: بماذا تشتهر ولايتك

حنا ولاية المسيلة كي نقولو مسيلة نقولو الرئيس الراحل والمناضل محمد بوضياف المخرج لخضر حامينة وهناك شخصيات اخرى مشهورين بالزفيطي البوسعادي وشخشوخة لمسيلية مشهورين لباس النايلي كمعالم تاريخية قلعة بني حماد وهناك عدة اشاء اخرى لباس اكل تقليدي معالم ❤ مرحبا بكم في ولاية المسيلة❤

رقم المشاركة # 6
قديم 15-07-2017, 22:36
الصورة الرمزية د.مريم
:: مراقبة عامة ::
طبيبة المنتدى
د.مريم متواجد حالياً
افتراضي رد: بماذا تشتهر ولايتك

دزاير يا العاصمة .... ماكالاه نحكيلكن عليها
زينة الولايات
فيها السيغكولاسيون والغاشي بزاااف والغبار ههههه بصح بنتها وحدها
اهم معالمها طبعا القصبة العريقة مولد أبي وتقرقيبة لباب الواد مسقط رأسي واضربي فيها عومة في كيتاني مع ان العالم كامل رايح يشوفك كي تعومي هههه
كي تطلعي راسك تلقاي كنيسة السيدة الافريقية تطل عل. البحر كيما سانتا كروز تقريبا
ساحة الشهداء ومسجدكتشاوة ايضا قبلة للسياح ....مع انا ماشي تاع سياحة
العاصمة ايضا مشهورة بلهجتها المميزة ...قالي وقلتلك هههه
ملابسها الأجمل في الجزائر على الإطلاق ...كاراكو ..قويط...بدرون...
اما الأكلات ...محاجب سخوونيييين ..طعام باللحم مرق أبيض..الرشتة.. وهدو في العاصمة يندارو فقط بالقرعة واللفت..وأيضا الفانيذ ..وسكان العاصمة من عشاق اللوز ولا يستسيغون الكاوكاو في حلوياتهم... ووجوده شبه مستحيل في الأعراس
العاصمة معروفة أيضا بأن سكانها لسانهم حلو مالقري ماتدي من عندهم والو هههههههه

رقم المشاركة # 7
قديم 16-07-2017, 16:41
الصورة الرمزية غ وهيبة
:: مؤهلة للإشراف:: اقسام التعليم
غ وهيبة غير متواجد حالياً
افتراضي رد: بماذا تشتهر ولايتك

بالرغم من اني عشت طفولتي و شبابي في وهران حتى تخرجت الا اني شاوية انتمي الى ولاية ام البواقي معروفة بمدينة البحيرات فيها الكثير من البحيرات و مواقع اثرية للبزنطيين و الرومان مثل عين البرج و سيقوس و قصر الصبيحي مشهورة بسوقها الجميل للملابس في عين فكرون تلقى فيه كل الولايات و اخواننا التوانسة و مشهورة بلادي بالخياطة ماشاء الله قنادر و موديلات اعراس ربي يبارك كل عام الجديد صيف و شتاء و ماننساوش اللباس الشاوي و الجامعة اللي وسعو فيها مؤخرا و لات روووعة و حدائق للعائلات و مسابح ومدينة مائية بعين مليلة بالاضافة الى المباني ابداع في عين مليلة قصور مشيدة بلدية الشهيد العربي بن مهيدي حيث بيته و اين دفن موقع تاريخي و السد الاخضر اشجار ممتدة على طول الناظر بعين شجرة هذا اللي تفكرتو

رقم المشاركة # 8
قديم 16-07-2017, 21:05
الصورة الرمزية ام اسعد
:: حواء الأميرة ::
ام اسعد غير متواجد حالياً
افتراضي رد: بماذا تشتهر ولايتك

تشتهر ولاية بسكرة بزواياها القرآنية زاوية سيدي عقبة وسميت هذا الاسم على عقبة بن نافع الفهري وزاوية سيدي الشيخ المختار بأولاد جلال ،أيضا زاوية سيدي خالد بن سنان . ..فتح بها مؤخراملهى ماءي بسيدي عقبة تشتهر بجودة تمورها ..واشهر الاكلات الشخشوخة البسكرية والدوبارة ...يشتهر سكانها بالكرم ...زوروها في الفصل البارد حبيباتي هههههههه

رقم المشاركة # 9
قديم 10-08-2017, 20:56
الصورة الرمزية ام محمد فاروق
:: حواء مبدعة ::
ام محمد فاروق غير متواجد حالياً
افتراضي رد: بماذا تشتهر ولايتك

بشار. قولي. سخانه. لكن. لازم. باش. يطيب. التمر. ممممم التمر. معسل. بنين. تشوفي. العلفه وسط تمره قولي. واحات. كثبان. رمليه قولي. تاغيت. قولي اعراس قولي عماريه قرقابو قولي دبدابه. تسوق مع. اني الان. نسكن مع زوجي. في نعامه هي. ولايه جديده. بشاشره ناس. كرامه يكرمو. ضيف. هدرتهم تشبه لهدرة. مغرب. العربي ويهدرو بالكا

رقم المشاركة # 10
قديم 11-09-2017, 21:48
الصورة الرمزية la fleur noir
:: حواء متميزة ::
la fleur noir غير متواجد حالياً
افتراضي رد: بماذا تشتهر ولايتك

شاوية حرة بنت الاوراس العالي .مركز الثورة و بلد الشهداء
ارض مصطفى بن بولعيد . بلاد الهمة والشان و الكرم
تشتهر بالاكولات التقليدية
ربي يحفظ بلادنا من الفتن و الحروب . امين

إضافة رد

مواقع النشر (المفضلة)

بماذا تشتهر ولايتك


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة
المراجع : معطلة
المصادر : متاحة


المواضيع المتشابهه
الموضوع كاتبة الموضوع المنتدى مشاركات آخر مشاركة
سجل حضورك اليومي بصورة من ولايتك هِدايات ركن السياحة في الجزائر 5 10-08-2014 14:02
من اختار لك الإسم عند ولادتك eman haddi المنتدى العام 26 27-01-2013 22:13
شوف بشهر ميلادك عند ولادتك ابوك شو يقلك chayma منتدى الألعاب والتسلية 14 26-12-2012 15:19

المشاركات المطروحة في منتديات حواء الجزائر تمثل رأي كاتبته فقط ولا تمثل رأي إدارة المنتدى.

الساعة معتمدة بتوقيت جرينتش +1 . الساعة الآن : 09:13.

DMCA.com Protection Status
Designed & Developed by 4algeria.com
جميع الحقوق محفوظة © 2008 - 2017, منتديات حواء الجزائر