منتديات حواء الجزائر




 
المواضيع الجديدة
 

منتدى الحكايا والقصص قصص ، روايات ، قصة قصيرة ، قصص واقعية ، رومانسية

حكاية عجو زستوت خرابة البيوت

إضافة رد
شجرة الإعجابات9معجبون
  • 4 أضيفت بواسطة ليال dz
  • 2 أضيفت بواسطة ملكة روح زوجي
  • 1 أضيفت بواسطة هاجر المدانية
  • 1 أضيفت بواسطة د.مريم
  • 1 أضيفت بواسطة عابرة ألم
LinkBack أدوات الموضوع انواع عرض الموضوع
رقم المشاركة # 1
قديم 19-06-2017, 18:30
الصورة الرمزية ليال dz
:: حواء متميزة ::
ليال dz غير متواجد حالياً
افتراضي حكاية عجو زستوت خرابة البيوت

كان يا ماكان يا صحبة يا كرام في قديم الزمان

وما سلف للجدود من كلام

كانت واحد القرية كبيرة وتجارتها مزدهرة وحركة اهلها مستمرة

وفي هذا القرية تعيش عجوزاجتمعت فيها صفات القبح الخَلقية والخُلقية

باشعة ,حولة ودميمة

والتجاعيد لي في وجهها تدور فيهم رهبة الظلمة

طويلة حتى تقوس ظهرها ومن كثرة المكايد ابيض شعرها

صوتها يرعد

وشوفتها ترعب الولد

كانت هذه العجوز كلما تفوت على واحد الجماعة

تسمعهم يلعنوا في الشيطان ويدعولوا بالخزي

استغربت منهم وطرحت السؤال واش دارلهم ؟

تمشي وتتكلم مع نفسها وتقول واش عمل الشيطان يستآهل هذا السبان

وهي على هذا الحال

جاها الشيطان في هيئة إنسان

قالها واش قلقك يا يما

قالت له :حبيت نعرف علاش هذا الناس يسبوا الشيطان ديما

قالها :على خاطر يشعل نار الفتنة ويخلق بين الناس الخصومة

يفرق الجماعات ويزرع الشقاقات

قالت :ههه ما شكيتش اذا يقدر

قالها :لالا يقدر هذي وظيفته في الارض

وقعدت هو يقول يقدر وهي تقول ما يقدرش ....

حتى قالها :أنا هو الشيطان واش رايك لو نروح لذيك الجماعة ونفرق قعدتهم ونشتت جملتهم؟

قالت له:جرب خليني نشوف.

توجه الملعون للجماعة وبدا يوسوس لذا وذا

ويهمس بالفتنة بيناتهم حتى فرقهم الى يومنا هذا
.
رجع ليها يرقص فرحان

قهقهت العجوز وقالت :هذا ما كان ؟

قل لي يا شيطان هل مر عليك شيء صعيب

قالها :كاين زوج يحبو بعضاهم على قد ماحاولت ندخل لدارهم ونزرع الحقد بيناتهم ما قديت

قالت له :ساهلة ارواح وريلي البيت واقعد راقب من بعيد

عرفت الدار وعلى الاثنين جمعت معلومات

اسم الزوجة والزوج وتاريخ العائلات

دخلت لصانع احذية وطلبت منو يصنعلها فردة حذاء رجالي في اقرب وقت

في الصباح آخذت الحذاء وتوجهت للمنزل المنشود

دقت الستوت الباب وفي الحين لقات الجواب

دخلتها البنية صافية النية

بعد ما خبرتها بلي تقربلها وتسكن في بلاد بعيدة ومن زمان ما شافتها واعطاتها علامات

وعلى كل فرد مناهلها أمارات

اطمأنت لها الزوجة وتهنات

بادرتها بالقول :يا بنتي راني جيعانة ومن التعب هلكانة

راحت الزوجة في الحين وحضرت لها طبق بنين

العجوز في هذا الوقت رمات فردة الحذاء في حوش البيت

حطت الزوجة الاكل وجلست

قالتلها يا بنتي انا لازمني زوج مغارف

فيا طبيعة شينة كون ما ناكلش بزوج مغارف ما تجينيش الماكلة بنينة

الزوجة حارت فيها, لكن لبات الطلب ليها

بدات العجوز تاكل بالملعقتين مرة باليسار ومرة باليمين

وهنا دقدق الباب ..قامت الزوجة فتحاتو

زوجها لقاتو وبفرحة خبراتو

جات خالتنا من بلاد بعيدة اروح معايا سلم عليها

دخل الزوج يلقي التحية ,هزت راسها ذيك الحية

وقالت للزوجة هذا شكون

قالتها هذا راجلي لي حكيتلك عليه

صرخت فيها البلية :

حيرتيني يا بنية ,اذا كان هذا زوجك وامالة شكون لي كان ياكل معانا

واش هذا الزيجة, الدنيا رجعت عوجة

الشك للزوج بدا يعرف طريق وخاصة كي نظر للمائدة ولقى 3ملاعيق

بدا يدور في الدار كي المهبول ويفتش على الشريك .
حتى وجد الحذاء في الفناء

رفدها وطاح على مرتو بالضرب

تسللت الماكرة في هذا الاثناء

وراحت لاهل الزوجة تعيط وفي الكذب تخيط :

الحقوابنتكم يا ناس

كنت انا واياها جلاس ,دخل علينا رجل شبعها ضرب


وبسرعة حملوا الهراوي والمواس

خلاتهم وراحت لاهل الزوج تولول وتصيح


ولدكم راه حقروه نسابو وضربوه

واذا ما اسرعتوش قتلوه.

الدم في عروقهم فور والعقل منهم تبحر

حملوا العصي والهراوي وتوجهو للمكان
ووقعت عركة كبيرة
والشيطان يتفرج في دهشة وحيرة
قال للعجوز الماكرة
راكي اثرت الفتنة بجدارة .
قالتلوانت ما شفت والو
كي ننوي نقلب الزمان وحوالو
خليني نهرب بجلتي قبل ما ينتبه لي الزوج وأهلو
وموعدنا في مكيدة جديدة
وهربت الخداعة توجد نار اخرى ولاعة
يتبع ...

ربي هبلي من لدنك ذرية طيبة انك السميع العليم
رقم المشاركة # 2
قديم 19-06-2017, 19:11
الصورة الرمزية الإفتراضية
:: حواء مبدعة ::
ملكة روح زوجي غير متواجد حالياً
افتراضي رد: حكاية عجو زستوت خرابة البيوت

ياويلي هدي الشيبانية واعرة،في انتظار قصص اخرى

ليال dz و هاجر المدانية معجبون بهذا.
رقم المشاركة # 3
قديم 19-06-2017, 21:03
الصورة الرمزية هاجر المدانية
:: حواء الأميرة ::
هاجر المدانية غير متواجد حالياً
افتراضي رد: حكاية عجو زستوت خرابة البيوت

يا لطيف شياطين الانس

ليال dz معجب بهذا.
رقم المشاركة # 4
قديم 20-06-2017, 04:06
الصورة الرمزية د.مريم
:: مشرفة::اقسام الصحة والطب
د.مريم غير متواجد حالياً
افتراضي رد: حكاية عجو زستوت خرابة البيوت

حكاية تهبل
في المتابعة

ليال dz معجب بهذا.
رقم المشاركة # 5
قديم 20-06-2017, 11:11
الصورة الرمزية عابرة ألم
مراقبة عامة
عابرة ألم غير متواجد حالياً
افتراضي رد: حكاية عجو زستوت خرابة البيوت

طريقة السرد مميزة يا ليال بصح هدي عجوزة هدي بليسة ههه
تقييم لك

ليال dz معجب بهذا.
ربي يا مالك كل شيء... اسق صغاري من كأس الصحة شربة وغرفة هنية...
إضافة رد

مواقع النشر (المفضلة)

حكاية عجو زستوت خرابة البيوت


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة
المراجع : معطلة
المصادر : متاحة


المواضيع المتشابهه
الموضوع كاتبة الموضوع المنتدى مشاركات آخر مشاركة
صور لاغب البيوت ام ادريس ركن الـصـور والكاريكاتور 4 28-12-2012 20:15
مداخل البيوت symana ركن ديكور وأثاث بيتك 2 01-01-2012 13:00
صور البيوت soyla ركن ديكور وأثاث بيتك 15 29-11-2011 18:06

المشاركات المطروحة في منتديات حواء الجزائر تمثل رأي كاتبته فقط ولا تمثل رأي إدارة المنتدى.

الساعة معتمدة بتوقيت جرينتش +1 . الساعة الآن : 16:54.

Powered by vBulletin® Version 3.8.10
Copyright ©2000 - 2017, vBulletin Solutions, Inc.
DMCA.com Protection Status
 
Designed & Developed by 4Algeria.com
جميع الحقوق محفوظة © 2008 - 2017, منتديات حواء الجزائر