منتديات حواء الجزائر




المواضيع الجديدة

منتدى فرغي قلبك لديك مشكلة و تردين حلا...هنا نستقبلك لنقدم لك الحلول و الأراء

قصتي مع زوجي مشاركة في مسابقة حواء الملكة

إضافة رد
LinkBack أدوات الموضوع انواع عرض الموضوع
رقم المشاركة # 1
قديم 09-01-2017, 14:48
الصورة الرمزية Samar22
:: حواء السلطانة ::
Samar22 غير متواجد حالياً
افتراضي قصتي مع زوجي مشاركة في مسابقة حواء الملكة

السلام عليكم و رحمة الله تعالى و بركاته



اليوم غادي نحكيلكم كيفاش عرفت الزوج نتاعي و تاج راسي
قصتي تبدى كي كان عندي اربعطاش عام سنة 2003 ما كنت جايبة لدنيا خبر كنت نقرا في السويام و نقرا غاية جوزت البياف كنا في جوان كان عندنا عرس فوجت بعدا من مورا الامتحانات ازدڨدڨدڨ شوية ههههههههههه
جاو فاميلتنا من كل بلاصة لان لي تزوجت بنت خالتي و عندهم اهلهم بزاف في الصحرى عجبني الحال كانو الغاشي بزاف

و عندي بنات خالاتي بزاف تبارك الله خالتي جايبة اربعطاااااااااااااعش و وحد اخرى جايبة تسعة من خالتي لي جايبة تسعة بنتات خاتي كبار قد ماما امالا عندهم اولادهم كبار

كان كاين واحد منهم يعجبني من بكري والله صدقوني مانتشاوفوش ڨااااااع بالعوام لانهم هما في وهران و حنا من بلعباس مانزوروش بعض بزاف بصح خطرات اسم ماماه يجي في الدار مودر يا والله كي يدكرو اسمها ولا حاجة متعلقة بيهم جيني حالة منوصفهاش نبغي نهبل و انا كنت صغيرة يعني ثماني سنين او عشر سنين هادوك الجوايه المهم كنت منفهمش واش راه صاريلي و نڨعد غير نتبسم
علااااااه مانيش عارفة؟؟؟؟؟؟؟؟؟؟
امالا في العرس تلاقينا و رحبنا ببعضنا انا موالفة نهدر غير مع خوه لانو كان في السن نتاعي و كنا كل ما نتلاقو نحكو على العاب الفيديو ختكم تموت على العاب لي فيديو و لي مانغا مهبووووووولة
المهم شافني و عجبته زعمة زعمة انا هاذاك لي حسيته زعمة زعمة زعمة
مع راه عندنا عرس و صدقوني لبست لبس عادي ماما مافهمتناش انو ندو صوالح نتاع العرس كيما الشدة و لا قفطان صغير والو غير هي لي لبست و بدلت خخخخخخخخخخ

حنا انا واختي رحنا هاكذا رسمييين تقول رايحين نقرووووو هههههه تحشمنا تاع الصع

المهم جا ليل و عرسنا و رقصت معاه حتى شبعت لكن ماكان باين والو غير نرقصو هاذاماكن ههههههههههه

راكو فاهمين سيلونسيووو

المهم انا كنت طايرة بالفرحة المهم شافني

كملنا عرس و كان كاين عرس وحد اخر غدو ليه نتاع العريس باه يدو العروسة

جا هو و بنت خالتي وحد اخرى يعرضونا تبسم معايا انا كي شفته تغاشيت صاييييي حلميييي راه يتحقق وااااااع كيفاه مافهمتش
رحنا للعرس وشفته جا لعندي مباشرة وقلي انو عجبتو و بغا يخطبني اناااااااا صايييييي مت مت مت مت مت

في سن الاربعطاش يخطبني ويااااااا ما انا مأمنتش


المهم هو ولد بنت خالتي و كنت باغي نموت لاخاطرش كي شفت انو يقربلي ولد بنت خالتي قلت حرام مع كنت صغيرة ايا رواحوووووو تشووووووفووووووو لبكى حتى ماما فهمتني




وماااااااااخطبني حتى لثلاثة و عشرين عام حتى برت تاع صح و يبست انا عندي رقم 23 لاصق فيا العرس كان في 23 و خطبنيي يوم 23و تزوجنا يوم 23


و تزوجت معاه حتى الخامسة و العشرون عام

و راني معاه و نبغيه لمدة اربعة عشر عام نعرفه من صغري

وسبحان الله هاذاك الاحساس نتاع بكري لي كان يجيني

كان اشارات انو غادي نكون معاه حتى حاجة مابعيدة على ربي صراولي بزاف مشاكل معاه بصح كي نتفكر ننسى كلشي



شكرااااااا

وانتي كيفاش تلاقيتي مع زوجك

هذي الصورة في جيجل حواسين مڨاطعنا

الصور المصغرة للصور المرفقة
dsc_0462.jpg  
رقم المشاركة # 2
قديم 09-01-2017, 15:06
الصورة الرمزية ام اسعد
:: حواء الأميرة ::
ام اسعد غير متواجد حالياً
افتراضي رد: قصتي مع زوجي مشاركة في مسابقة حواء الملكة

هذا مكتوبك سبحان الله ....تقولي في البداية لعب أطفال فقط لكن يتحول الى حقيقة

قصتي مع زوجي هو ولد الحومة ..كنت نمر على دارهم كي نروح للثانوية نلقاه واقف نهبط راسي كان ابان راجل داير المسطاش...اعجبتو بعث دارهم خطبوني
توتة توتة خلصت الحدوتة


رقم المشاركة # 3
قديم 09-01-2017, 15:10
الصورة الرمزية نونا حنونه
:: حواء الأميرة ::
نونا حنونه غير متواجد حالياً
افتراضي رد: قصتي مع زوجي مشاركة في مسابقة حواء الملكة

ههههههههه عجبتني قصصكم ربي يهنيكم ويصلح حالكم

رقم المشاركة # 4
قديم 09-01-2017, 15:13
الصورة الرمزية ام اشراق
:: حواء السلطانة ::
ام اشراق غير متواجد حالياً
افتراضي رد: قصتي مع زوجي مشاركة في مسابقة حواء الملكة

هههههههه زعمة سمر راكي تحكي فالرومانسية كنت جايبتها غاية حتى شرمتيها بكلمة مقاطعنا وعلاش
ونورمالمو هذاك هو السن تاع الزواج مابرتيش ربي يديم المحبة بيناتكم طول العمر وشحال نفرح لما الوحدة تتزوج بلي تحبه ويحبها .قصتك جميلة موفقة عزيزتي سمرمر.
احم احم انا قصتي بدات لما ذخلت نفوت صطاج في شاريكة وغير ذخلت بقى غير يخزر فية نقولك الصح عجبني بصح مابغيتش نبينله خصوصا لما خوفوني منه الشيرات وقالولي احرزي روحك منه فيسيو.امالا قلبتهاله غربة ولا غير يخزر فية ندابزه ولينا كي القط والفار حتى حسيت بالولف تجاهه وليت نحبه بصح بلا ما علاباله وقعدنا على هاذ الحالة لمدة خمسة شهور وقالي راني حابك تحبسي الخذمة راني باغي نخطبك وهو كان في عمره 30 وانا كان عندي 19 واخطبني لمدة عام وتزوجت فالعشرين وسبحان الله كيما قلتي سمر احساس ذاخلي يخبرك بانه هاذاك هو مكتوبك لما تزوجنا سالته قلتله وعلاش كنت غير تخزر فية قالي كنت حاس وكاني نعرفك من زمان وصدقيني ياسمر حتى انا حسيت بروحي وكاني نعرفه من زمان بالرغم اننا اول مرة نشوفو بعضنا .وتوتا توتا خلصت الحدوتا ههههههه شكرا
وموفقة سمر

رقم المشاركة # 5
قديم 09-01-2017, 15:16
الصورة الرمزية Samia02
:: حواء الأميرة ::
Samia02 غير متواجد حالياً
افتراضي رد: قصتي مع زوجي مشاركة في مسابقة حواء الملكة

والله يا سموره مت بالضحك.الله يدوم عشرتكم اربعطاااعش دخلك الغرام أنا شوشة وكنش نعرف نديرها والسروال نرقد بيه عايشه راجل.
أنا تعرفت عليه بواسطة اختراع الهاتف وكذبت عليه قاع معطيتوش الصح حتى تأكدت باي وليد فانيليا وراه باغي الخير.قصة جميلة ثم فجأه دخلت فيها عجوزتي زعزعتها الله يسامحها كاش نهار نحكيلكم لأنها جريده

رقم المشاركة # 6
قديم 09-01-2017, 15:17
الصورة الرمزية الإفتراضية
:: حواء متألقة ::
ام الحبايب غير متواجد حالياً
افتراضي رد: قصتي مع زوجي مشاركة في مسابقة حواء الملكة

ربي يهنيك ويخليكم ديما مجموعين يا رب......
عليا انا شفتو في الحنة انتاع وليد عمي ....عجبني وعجبتو هههههههه من اول نظرة
ومن هذاك اليوم رانا بع بعضانا على الحلوة والمرة ومع الاولاد يا سلااااااااااااام
ربي لا تفرق الاحبة يا رب

رقم المشاركة # 7
قديم 09-01-2017, 15:27
الصورة الرمزية آورٙآسِيـة
:: قلب وروح حواء الجزائر ::
آورٙآسِيـة غير متواجد حالياً
افتراضي رد: قصتي مع زوجي مشاركة في مسابقة حواء الملكة

ربي يهنيك حنونة ..
قصتك روعة ..ربي يزين ايامكم...ويسعدكم..يارب
زوجي صديق اخي،،،واول لقاء،كان قدام دارنا ..
كان يحكي مع خويا ،،ونا كنت نقرى..
ثمى لصق كي فياا،خخخخ
الزواج مكتوب رب العالميين ..
ربي يرزق كل حواء عازبة بالزوج الصالح..

رقم المشاركة # 8
قديم 09-01-2017, 15:45
الصورة الرمزية Samar22
:: حواء السلطانة ::
Samar22 غير متواجد حالياً
افتراضي رد: قصتي مع زوجي مشاركة في مسابقة حواء الملكة

الله يدومها حبيباتي و عقبة للعزبات ان شاء الله يدوم المعروف بيناتكم

رقم المشاركة # 9
قديم 09-01-2017, 15:56
الصورة الرمزية *زهرة الربيع*
:: حواء السلطانة ::
*زهرة الربيع* غير متواجد حالياً
افتراضي رد: قصتي مع زوجي مشاركة في مسابقة حواء الملكة

قصة جمييييلة واش هاذ الرومانسية تقتل
ربي يخليكم لبعض

رقم المشاركة # 10
قديم 09-01-2017, 17:14
الصورة الرمزية الإفتراضية
:: مشرفة :قسم القفص الذهبي::
ام هبة الله. متواجد حالياً
افتراضي رد: قصتي مع زوجي مشاركة في مسابقة حواء الملكة

الله الله عالرومنسية يا عمري انتي عاد بديتي تحبي فالربعطاش انا درت الخاتم مين كنت فالربعطاش اهئ اهئ قصتي غريبة شوي هههههههههههههههه

إضافة رد

مواقع النشر (المفضلة)

قصتي مع زوجي مشاركة في مسابقة حواء الملكة


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة
المراجع : معطلة
المصادر : متاحة


المواضيع المتشابهه
الموضوع كاتبة الموضوع المنتدى مشاركات آخر مشاركة
غرف نوم رومانسية ((مشاركة في مسابقة حواء الملكة)) Samar22 ركن ديكور وأثاث بيتك 14 23-01-2017 12:44
قصة سمر و حبة فول (مشاركة في مسابقة حواء الملكة) Samar22 منتدى الحكايا والقصص 11 15-01-2017 23:51
لغز من عند سمر (( مشاركة في مسابقة حواء الملكة)). Samar22 منتدى الألعاب والتسلية 12 15-01-2017 21:19
الة الغسيل ( مشاركة في مسابقة حواء الملكة) Samar22 منتدى تنظيم وتنظيف البيت 10 15-01-2017 20:18

المشاركات المطروحة في منتديات حواء الجزائر تمثل رأي كاتبته فقط ولا تمثل رأي إدارة المنتدى.

الساعة معتمدة بتوقيت جرينتش +1 . الساعة الآن : 08:34.

DMCA.com Protection Status
Designed & Developed by 4algeria.com
جميع الحقوق محفوظة © 2008 - 2017, منتديات حواء الجزائر